السلام عليكم... لا شك أنكم تعرفون جميعا أن بلدنا الجميل... له ثرات رائع و ثقافة شعبية جميلة تناولت في مواضيعها المرأة و الرجل... المجتمع و أحوال الناس... الذكاء و الجمال........ اليوم لقد أتيت لكم بمجموعة رائعة من الأمثلة الشعبية المغربية المتداولة بين الناس
الجرح يبرا وكلام العار ما يبرا
حاجة الخاطر كتسوى القناطر
حتى شبع صالح عاد قال طعامكم مالح
حرف فالقلوب احسن من عشرة فالكتوب
خسارة المال و لا خسارة الرجال
اختر لولدك الاصل و اختر لبنتك الراجل
اللي سبقك بليلة سبقك بحيلة
عند رخصو تخلي نصو
لمكسي بديال الناس عريان
اللي مشى بلا عراضة يجلس بلا فراش
سال المجرب ماتسال الطبيب
عين بنادم مايعمرها غي التراب
جا يكحلها عماها
صباح الخير أجاري أنت في حالك و أنا في حالي
على قد لحافك مد رجليك
ختار الجار قبل الدار
ديرها فالرجال وترجاها و ديرها فالنسا و لا تنساها
اللي عضو الحنش كيخاف من الحبل
لحوانت متصافه و الارزاق مختلفة
الزين تيحشم على زينو والخايب الا هداه الله
حتى زين ما خطاتو لولا
هبيل تزوج هبيلة وتهنات القبيلة
اللي تيشطح ما تيغطيش وجهو
الرجل بالهمة أما اللحية راها حتى عند العتروس
اللهم النعاس في الخلا ولا ضيافة البخلا, اللهم النعاس في البرد ولا ضيافة القرد
زواج ليلة تدبيره عام
أش خاصك العريان الخواتم آمولاي
دِيرْ عِينْ شَافَتْ وَعِينْ مَا شِافْتْ
ما كينسي البنت في امها غير همها
خبز الدار ياكلو البراني
كثرة عطيني ما تخلي حد يبغيني
الزين بحروفو؛ ديه لمو تشوفو, القرع بفلوسو؛ أرا داك الراس نبوسو
الطلاب يطلب و مرتو تصدق
إلى مات البو توسد الركبة, الى مات الأم توسد العتبة
المعروض فنهارو, يبقى فدارو
الحرفة الى ما غنات تستر, أو واقيلا تزيد فالعمر
ما حد ليتيمة تتبكي, و ربي تيزيدها
لالا زينة و زادها نور الحمام
المندبة كبيرة و الميت فار
اللي عضو الحنش, تيخاف من الحبل
اللي بغى لعسل يصبر لقريص النحل
وريه وريه, و الى عما سير و خليه
انا في همو كندادي وهو فتقلاع وتادي
مي, أجي نوريك دار خوالي
حتى مش ما تيهرب من دار العرس
ما تقطع الواد حتى تبان حجارو وما تمشي في الليل حتى يطلع نهارو وما تصحب صديق حتى تعرف خبارو.
اللي قال ليك العرس ساهل يسقي لو غير الما
ما تيحس بالمزود غير اللي مضروب به
إلى مشى الزين ابقاو حروفو
ضربني و بكى, سبقني و شكى
اللي دارها بديه افكها بسنيه
الحر بالغمزة و العبد بالدبزة
مية تخميمة و تخميمة ولا ضربة بمقص
كون كان الخوخ تايداوي كون داوى راسو
الله يرحم من زار و خفف
الهضرة للسارية و المعنى للجارية
قالولها نوضي شطحي... دارتها بصح
